ഖുറേഷി അബ്രഹാമിന്റെ മടങ്ങിവരവിനായി കാത്തിരിക്കുന്ന മോഹൻലാൽ-പൃഥ്വിരാജ് ആരാധകർക്കായുള്ള പുതിയ അപ്ഡേറ്റ് കൂടി എത്തുകയാണ്. ഒക്ടോബറിൽ ആരംഭിച്ച എമ്പുരാന്റെ (എൽ 2) ചിത്രീകരണം രണ്ടാം ഘട്ടത്തിലേക്ക് കടക്കുകയാണ്. ലഡാക്കിലെ ചിത്രീകരണത്തിന് ശേഷം താത്ക്കാലിക ഇടവേളയെടുത്തിരുന്ന ടീം ഡിസംബറോടെ അടുത്ത ഷെഡ്യൂളിലേക്ക് കടക്കുമെന്നാണ് റിപ്പോർട്ട്. രണ്ടാം ഷെഡ്യൂളിലേക്കുള്ള സെറ്റ് നിർമ്മാണം ആരംഭിച്ചതിന്റെ ചിത്രങ്ങൾ പൃഥ്വിരാജ് സോഷ്യൽ മീഡിയയിൽ പങ്കുവെച്ചു. സെറ്റിലെ ജോലികൾ ഇന്ന് ആരംഭിച്ചുവെന്ന് കുറിച്ചുകൊണ്ടാണ് പൃഥ്വിരാജ് പോസ്റ്റ് പങ്കുവെച്ചത്.
ഡയറക്ടർ കം പ്രൊഡ്യൂസർ ലോകേഷ് കനകരാജ്; ജി സ്ക്വാഡ് ബാനറിൽ ആദ്യ ചിത്രം
ഒരു വലിയ പഴയ കെട്ടിടമാണ് ചിത്രത്തിൽ കാണാനാകുന്നത്. ഇത് വലിയ ഫാക്ടറി ആകാമെന്നാണ് റിപ്പോർട്ട്. എന്നാൽ പുതിയ സെറ്റിനെക്കുറിച്ചുള്ള മറ്റ് അപ്ഡേറ്റുകളൊന്നും നിർമ്മാതാക്കൾ ഇതുവരെ വെളിപ്പെടുത്തിയിട്ടില്ല. അതേസമയം, വിദേശത്തുള്ള ചിത്രീകരണത്തിന് മുൻപ് സിനിമയുടെ ചില പ്രധാന ഭാഗങ്ങൾ പുതുതായി നിർമ്മിച്ച സെറ്റിൽ ചിത്രീകരിക്കാൻ സംവിധായകൻ പൃഥ്വിരാജ് സുകുമാരനും സംഘവും പദ്ധതിയിടുന്നുവെന്നും റിപ്പോർട്ടുണ്ട്.
2019ലാണ് എൽ 2വിന്റെ പ്രഖ്യാപനം ഉണ്ടായത്. സിനിമയുടെ ഫസ്റ്റ് ലുക്ക് പോസ്റ്റർ ദീപാവലി ദിനത്തിൽ പുറത്തുവിടുകയും ചെയ്തിരുന്നു. ഇരുപതോളം വിദേശ രാജ്യങ്ങളിലായാണ് എമ്പുരാൻ ചിത്രീകരിക്കുന്നത്. മലയാളത്തിന് പുറമെ ഹിന്ദി, തമിഴ്, തെലുങ്ക് ഭാഷകളിലും ചിത്രം പ്രദര്ശനത്തിനെത്തും.
'അത് വ്യക്തിപരമായ അഭിപ്രായം, അസീസിനോട് പ്രോഗ്രാം നിർത്താൻ പറഞ്ഞിട്ടില്ല'; പ്രതികരിച്ച് അശോകൻ
ലൂസിഫറിലെ അഭിനേതാക്കളായ പൃഥ്വിരാജ്, ടൊവിനോ തോമസ്, മഞ്ജു വാര്യർ, ശശി കപൂർ, ഇന്ദ്രജിത്ത്, ബൈജു സന്തോഷ്, സാനിയ ഇയ്യപ്പൻ തുടങ്ങിയവരും പുതിയ ചിത്രത്തിന്റെ ഭാഗമാണ്. നിരവധി വിദേശ താരങ്ങളും വിവിധ ഭാഷകളിൽ നിന്നുള്ള പ്രമുഖ ഇന്ത്യൻ താരങ്ങളും എമ്പുരാനിൽ അണിനിരക്കും.